IP telefoniya nima?
IP telefoniya — bu internet orqali qo‘ng‘iroq qilish texnologiyasi. Oddiy telefon liniyasi o‘rniga internet ishlatiladi. Ovoz signali raqamli formatga o‘tkazilib, IP tarmoq orqali uzatiladi.
Oddiy qilib aytganda, bu telefon simi o‘rniga internet orqali ishlaydigan biznes telefon tizimi.
IP telefoniya yordamida kompaniyalar:
- ofis telefon tizimini quradi
- call-markaz ochadi
- ichki raqamlar yaratadi
- qo‘ng‘iroqlarni yozib oladi
- avtomatik menyu (IVR) qiladi
Bularning barchasi IP-PBX server orqali boshqariladi.
SIP telefoniya nima
IP telefoniya ichida eng ko‘p ishlatiladigan protokol — SIP (Session Initiation Protocol).
SIP — qurilmalar o‘rtasida qo‘ng‘iroqni boshlash va ulash protokoli. U nafaqat qo‘ng‘iroq, balki video va boshqa multimedia ulanishlarini ham tashkil qiladi.
Misollar:
- IP telefon
- softphone (kompyuter yoki telefon dasturi)
- IP-PBX server
Hammasi SIP orqali bir-biriga ulanadi.
Bulutli telefoniya: Sipuni va OnlinePBX
Ko‘p kompaniyalar cloud PBX ishlatadi.
Masalan:
- Sipuni
- OnlinePBX
Bu xizmatlarda telefon stansiya provayder serverida joylashgan bo‘ladi.
Afzalliklari
- tez ishga tushadi
- server sotib olish shart emas
- texnik xizmatni provayder qiladi
- kichik biznes uchun qulay
Kamchiliklari
- barcha qo‘ng‘iroqlar provayder serveri orqali o‘tadi
- to‘liq nazorat sizda bo‘lmaydi
- har oy abonent to‘lovi bor
O‘z serveringiz: Asterisk
Katta yoki xavfsizlik muhim bo‘lgan bizneslar o‘z IP-PBX serverini qo‘yadi.
Eng mashhur platformalardan biri — Asterisk.
Asterisk — ochiq kodli PBX platforma bo‘lib, u orqali to‘liq telefon tizimini yaratish mumkin.
Afzalliklari
- to‘liq nazorat sizda
- xavfsizlik yuqori
- cheksiz sozlash imkoniyati
- litsenziya to‘lovi yo‘q
- call-center, IVR va integratsiyalarni sozlash mumkin
Ko‘p cloud telefoniyalarning o‘zi ham Asterisk asosida ishlaydi.
Qaysi biri yaxshiroq
Kichik biznes uchun
Sipuni yoki OnlinePBX yetarli.
Jiddiy biznes uchun
O‘z serveringiz va Asterisk yaxshiroq.
Sababi:
- xavfsizroq
- ma’lumotlar sizda bo‘ladi
- qo‘ng‘iroqlarni to‘liq boshqarasiz
- integratsiya imkoniyati keng bo‘ladi
IP telefoniya haqida batafsil
